کاروبار شوق میں بس فائدہ اتنا ہوا — شہریار
شاعر
کاروبار شوق میں بس فائدہ اتنا ہوا
کاروبار شوق میں بس فائدہ اتنا ہوا
تجھ سے ملنا تھا کہ میں کچھ اور بھی تنہا ہوا
کوئی پلکوں سے اترتی رات کو روکے ذرا
شام کی دہلیز پر اک سایہ ہے سہما ہوا
منجمد ہوتی چلی جاتی ہیں آوازیں تمام
ایک سناٹا ہے سارے شہر میں پھیلا ہوا
آسمانوں پر لکھی تحریر دھندلی ہو گئی
اب کوئی مصرف نہیں آنکھوں کا یہ اچھا ہوا
اس ہتھیلی میں بہت سی دستکیں روپوش ہیں
اس گلی کے موڑ پر اک گھر تھا کل تک کیا ہوا
شہریار
Karobar-e-shauq mein bas faayda itna hua
Karobar-e-shauq mein bas faayda itna hua
Tujh se milna tha ke main kuch aur bhi tanha hua
Koi palkon se utarti raat ko roke zara
Shaam ki dehleez par ek saya hai sehma hua
Munjamid hoti chali jaati hain aawaazein tamam
Ek sannata hai saare shehr mein phaila hua
Aasmanon par likhi tehreer dhundhli ho gayi
Ab koi masraf nahin aankhon ka yeh achha hua
Is hatheli mein bahut si dastakein rooposh hain
Is gali ke mod par ek ghar tha kal tak kya hua
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں