کہنے کو تو ہر بات کہی تیرے مقابل (ردیف .. ے) — شہریار
شاعر
کہنے کو تو ہر بات کہی تیرے مقابل (ردیف .. ے)
کہنے کو تو ہر بات کہی تیرے مقابل
لیکن وہ فسانہ جو مرے دل پہ رقم ہے
محرومی کا احساس مجھے کس لیے ہوتا
حاصل ہے جو مجھ کو کہاں دنیا کو بہم ہے
یا تجھ سے بچھڑنے کا نہیں حوصلہ مجھ میں
یا تیرے تغافل میں بھی انداز کرم ہے
تھوڑی سی جگہ مجھ کو بھی مل جائے کہیں پر
وحشت ترے کوچے میں مرے شہر سے کم ہے
اے ہم سفرو ٹوٹے نہ سانسوں کا تسلسل
یہ قافلۂ شوق بہت تیز قدم ہے
شہریار
Kehne ko toh har baat kahi tere muqabil (radeef .. e)
Kehne ko toh har baat kahi tere muqabil
Lekin woh fasana jo mere dil pe raqam hai
Mahroomi ka ehsaas mujhe kis liye hota
Haasil hai jo mujh ko kahaN duniya ko baham hai
Ya tujh se bichhaRne ka nahiN hausla mujh mein
Ya tere taghaful mein bhi andaaz-e-karam hai
ThoRi si jagah mujh ko bhi mil jaaye kahiN par
Wahshat tere kuche mein mere shahar se kam hai
Aye hum-safaroN TooTe na saansoN ka tasalsul
Yeh qaafila-e-shauq bahut tez qadam hai
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں