کس فکر کس خیال میں کھویا ہوا سا ہے — شہریار
شاعر
کس فکر کس خیال میں کھویا ہوا سا ہے
کس فکر کس خیال میں کھویا ہوا سا ہے
دل آج تیری یاد کو بھولا ہوا سا ہے
گلشن میں اس طرح سے کب آئی تھی فصل گل
ہر پھول اپنی شاخ سے ٹوٹا ہوا سا ہے
چل چل کے تھک گیا ہے کہ منزل نہیں کوئی
کیوں وقت ایک موڑ پہ ٹھہرا ہوا سا ہے
کیا حادثہ ہوا ہے جہاں میں کہ آج پھر
چہرہ ہر ایک شخص کا اترا ہوا سا ہے
نذرانہ تیرے حسن کو کیا دیں کہ اپنے پاس
لے دے کے ایک دل ہے سو ٹوٹا ہوا سا ہے
پہلے تھے جو بھی آج مگر کاروبار عشق
دنیا کے کاروبار سے ملتا ہوا سا ہے
لگتا ہے اس کی باتوں سے یہ شہریارؔ بھی
یاروں کے التفات کا مارا ہوا سا ہے
شہریار
Kis fikr kis khayal mein khoya hua sa hai
Kis fikr kis khayal mein khoya hua sa hai
Dil aaj teri yaad ko bhoola hua sa hai
Gulshan mein is tarah se kab aayi thi fasl-e-gul
Har phool apni shaakh se toota hua sa hai
Chal chal ke thak gaya hai ke manzil nahin koi
Kyun waqt ek mod pe thehra hua sa hai
Kya hadsa hua hai jahan mein ke aaj phir
Chehra har ek shakhs ka utra hua sa hai
Nazrana tere husn ko kya dein ke apne paas
Le de ke ek dil hai so toota hua sa hai
Pehle the jo bhi aaj magar karobar-e-ishq
Duniya ke karobar se milta hua sa hai
Lagta hai uski baaton se yeh Shahriyar bhi
Yaaron ke iltefaat ka mara hua sa hai
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں