موم کے جسموں والی اس مخلوق کو رسوا مت کرنا — شہریار
شاعر
موم کے جسموں والی اس مخلوق کو رسوا مت کرنا
موم کے جسموں والی اس مخلوق کو رسوا مت کرنا
مشعل جاں کو روشن کرنا لیکن اتنا مت کرنا
حق گوئی اور وہ بھی اتنی جینا دوبھر ہو جائے
جیسا کچھ ہم کرتے رہے ہیں تم سب ویسا مت کرنا
پچھلے سفر میں جو کچھ بیتا بیت گیا یارو لیکن
اگلا سفر جب بھی تم کرنا دیکھو تنہا مت کرنا
بھوک سے رشتہ ٹوٹ گیا تو ہم بے حس ہو جائیں گے
اب کے جب بھی قحط پڑے تو فصلیں پیدا مت کرنا
اے یادو جینے دو ہم کو بس اتنا احسان کرو
دھوپ کے دشت میں جب ہم نکلیں ہم پر سایا مت کرنا
شہریار
Mom ke jismon wali is makhlooq ko ruswa mat karna
Mom ke jismon wali is makhlooq ko ruswa mat karna
Mashal-e-jaan ko roshan karna lekin itna mat karna
Haq-goi aur woh bhi itni jeena dobhar ho jaye
Jaisa kuchh hum karte rahe hain tum sab waisa mat karna
Pichhle safar mein jo kuchh beeta beet gaya yaaro lekin
Agla safar jab bhi tum karna dekho tanha mat karna
Bhook se rishta toot gaya to hum be-hiss ho jaayenge
Ab ke jab bhi qaht pade to faslen paida mat karna
Ae Yado jeene do hum ko bas itna ehsaan karo
Dhoop ke dasht mein jab hum niklen hum par saaya mat karna
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں