نظر جو کوئی بھی تجھ سا حسیں نہیں آتا — شہریار
شاعر
نظر جو کوئی بھی تجھ سا حسیں نہیں آتا
نظر جو کوئی بھی تجھ سا حسیں نہیں آتا
کسی کو کیا مجھے خود بھی یقیں نہیں آتا
ترا خیال بھی تیری طرح ستم گر ہے
جہاں پہ چاہئے آنا وہیں نہیں آتا
جو ہونے والا ہے اب اس کی فکر کیا کیجے
جو ہو چکا ہے اسی پر یقیں نہیں آتا
یہ میرا دل ہے کہ منظر اجاڑ بستی کا
کھلے ہوئے ہیں سبھی در مکیں نہیں آتا
بچھڑنا ہے تو بچھڑ جا اسی دوراہے پر
کہ موڑ آگے سفر میں کہیں نہیں آتا
شہریار
Nazar jo koi bhi tujh sa haseen nahin aata
Nazar jo koi bhi tujh sa haseen nahin aata
Kisi ko kya mujhe khud bhi yaqeen nahin aata
Tera khayal bhi teri tarah sitamgar hai
Jahan pe chahiye aana wahin nahin aata
Jo hone wala hai ab us ki fikr kya kijiye
Jo ho chuka hai usi par yaqeen nahin aata
Yeh mera dil hai ki manzar ujad basti ka
Khule hue hain sabhi dar makeen nahin aata
Bichhadna hai to bichhad ja usi doraha par
Ki mod aage safar mein kahin nahin aata
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں