پہلے نہائی اوس میں پھر آنسوؤں میں رات — شہریار
شاعر
پہلے نہائی اوس میں پھر آنسوؤں میں رات
پہلے نہائی اوس میں پھر آنسوؤں میں رات
یوں بوند بوند اتری ہمارے گھروں میں رات
کچھ بھی دکھائی دیتا نہیں دور دور تک
چبھتی ہے سوئیوں کی طرح جب رگوں میں رات
وہ کھردری چٹانیں وہ دریا وہ آبشار
سب کچھ سمیٹ لے گئی اپنے پروں میں رات
آنکھوں کو سب کی نیند بھی دی خواب بھی دیے
ہم کو شمار کرتی رہی دشمنوں میں رات
بے سمت منزلوں نے بلایا ہے پھر ہمیں
سناٹے پھر بچھانے لگی راستوں میں رات
شہریار
Pehle nahai os mein phir aansuon mein raat
Pehle nahai os mein phir aansuon mein raat
Yun boond boond utri hamare gharon mein raat
Kuchh bhi dikhai deta nahin door door tak
Chubhti hai suiyon ki tarah jab ragon mein raat
Woh khurdari chatanein woh darya woh aabshaar
Sab kuchh samet le gayi apne paron mein raat
Aankhon ko sab ki neend bhi di khwab bhi diye
Hum ko shumar karti rahi dushmanon mein raat
Be samt manzilon ne bulaya hai phir humein
Sannate phir bichhane lagi raston mein raat
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں