رتجگوں کا زوال — شہریار
شاعر
رتجگوں کا زوال
وہ اندھیری رات کی چاپ تھی
جو گزر گئی
کبھی کھڑکیوں پہ نہ جھک سکی
کسی راستے میں نہ رک سکی
اسے جانے کس کی تلاش تھی
مری آنکھ اوس سے تر رہی ہے
مجھے خواب بننے کی لت رہی
کبھی ایک سونی سی رہ گزر پہ کھڑا تھا میں
کبھی دور ریل کی پٹریوں پہ پڑا تھا میں
وہ کسی کے جسم کی چاپ تھی
جو گزر گئی
اسے جانے کس کی تلاش تھی
مرے دل کے دشت کی ریت ہی میں کھلی تھی وہ
مجھے اک گلی میں ملی تھی وہ
اسے مجھ سے شوق وصال تھا
مرے خواب مجھ سے خفا ہوئے
مجھے نیند آئی میں سو گیا
یہی رتجگوں کا زوال تھا
شہریار
Ratjagoon Ka Zawaal
Woh andheri raat ki chaap thi
Jo guzar gayi
Kabhi khirkiyon pe na jhuk saki
Kisi raaste mein na ruk saki
Use jaane kis ki talaash thi
Meri aankh os se tar rahi hai
Mujhe khwaab banne ki lat rahi
Kabhi ek sooni si rehguzar pe khada tha main
Kabhi door rail ki patriyon pe pada tha main
Woh kisi ke jism ki chaap thi
Jo guzar gayi
Use jaane kis ki talaash thi
Mere dil ke dasht ki reet hi mein khuli thi woh
Mujhe ik gali mein mili thi woh
Use mujh se shauq-e-visaal tha
Mere khwaab mujh se khafa hue
Mujhe neend aayi main so gaya
Yahi ratjagoon ka zawaal tha
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں