سبھی کو غم ہے سمندر کے خشک ہونے کا — شہریار
شاعر
سبھی کو غم ہے سمندر کے خشک ہونے کا
سبھی کو غم ہے سمندر کے خشک ہونے کا
کہ کھیل ختم ہوا کشتیاں ڈبونے کا
برہنہ جسم بگولوں کا قتل ہوتا رہا
خیال بھی نہیں آیا کسی کو رونے کا
صلہ کوئی نہیں پرچھائیوں کی پوجا کا
مآل کچھ نہیں خوابوں کی فصل بونے کا
بچھڑ کے تجھ سے مجھے یہ گمان ہوتا ہے
کہ میری آنکھیں ہیں پتھر کی جسم سونے کا
ہجوم دیکھتا ہوں جب تو کانپ اٹھتا ہوں
اگرچہ خوف نہیں اب کسی کے کھونے کا
گئے تھے لوگ تو دیوار قہقہہ کی طرف
مگر یہ شور مسلسل ہے کیسا رونے کا
مرے وجود پہ نفرت کی گرد جمتی رہی
ملا نہ وقت اسے آنسوؤں سے دھونے کا
شہریار
Sabhi ko gham hai samandar ke khushk hone ka
Sabhi ko gham hai samandar ke khushk hone ka
Ke khel khatam hua kashtiyan dubone ka
Barahna jism bagulon ka qatl hota raha
Khayal bhi nahin aaya kisi ko rone ka
Sila koi nahin parchhaiyon ki pooja ka
Maal kuchh nahin khwabon ki fasal bone ka
Bichhad ke tujh se mujhe yeh gumaan hota hai
Ke meri aankhein hain patthar ki jism sone ka
Hujoom dekhta hoon jab to kaanp uthta hoon
Agarche khauf nahin ab kisi ke khone ka
Gaye the log to deewar-e-qahqaha ki taraf
Magar yeh shor musalsal hai kaisa rone ka
Mere wujood pe nafrat ki gard jamti rahi
Mila na waqt use aansuon se dhone ka
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں