سوگندھی — شہریار
شاعر
سوگندھی
بدی بھری یہ بوریاں
نہ جانے کون موڑ تک
ہمارے ساتھ جائیں گی
سفید چادروں میں کس نے رات کو چھپا لیا
ہماری ذلتوں سے کس نے اپنے عضو عضو کو سجا لیا
کہ آج ناف کے قریب خواہشوں کی بھیڑ ہے
ادھر وہ گنبدوں کی گونج
جنگلوں کو جانے والے راستے
پلٹ پڑے
تری گلی میں ہر طرف سے آ رہے ہیں بھیڑیے
کواڑ کھول دیکھ کیسا جشن ہے
ہوا بھرا وہ چاند
سات انچ نیچے آ گیا
غذا ملے گی چیونٹیوں کو تیرا کام ہو گیا
ہمارے ناخنوں کے میل سے
تیرے بدن کے گھاؤ بھر گئے
یہ حادثہ بھی ہو گیا
مگر کہاں سے بیچ میں یہ آسمان آ گیا
شہریار
Saugandhi
Badi bhari yeh boriyan
Na jaane kaun mod tak
Hamare saath jayengi
Safed chaadaron mein kis ne raat ko chhupa liya
Hamari zillaton se kis ne apne uzv uzv ko saja liya
Ke aaj naaf ke qareeb khwahishon ki bheerh hai
Idhar woh gumbadon ki goonj
Junglon ko jaane wale raaste
Palat pade
Teri gali mein har taraf se aa rahe hain bherhiye
Kawaad khol dekh kaisa jashn hai
Hawa bhara woh chaand
Saat inch neeche aa gaya
Ghiza milegi chiuntiyon ko tera kaam ho gaya
Hamare nakhunon ke mail se
Tere badan ke ghaao bhar gaye
Yeh hadisa bhi ho gaya
Magar kahan se beech mein yeh aasman aa gaya
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں