سینے میں جلن آنکھوں میں طوفان سا کیوں ہے — شہریار
شاعر
سینے میں جلن آنکھوں میں طوفان سا کیوں ہے
سینے میں جلن آنکھوں میں طوفان سا کیوں ہے
اس شہر میں ہر شخص پریشان سا کیوں ہے
دل ہے تو دھڑکنے کا بہانہ کوئی ڈھونڈے
پتھر کی طرح بے حس و بے جان سا کیوں ہے
تنہائی کی یہ کون سی منزل ہے رفیقو
تا حد نظر ایک بیابان سا کیوں ہے
ہم نے تو کوئی بات نکالی نہیں غم کی
وہ زود پشیمان پشیمان سا کیوں ہے
کیا کوئی نئی بات نظر آتی ہے ہم میں
آئینہ ہمیں دیکھ کے حیران سا کیوں ہے
شہریار
Seene mein jalan aankhon mein toofaan sa kyoon hai
Seene mein jalan aankhon mein toofaan sa kyoon hai
Is shahar mein har shakhs pareshan sa kyoon hai
Dil hai to dhadakne ka bahana koi dhoonde
Pathar ki tarah be-his-o-be-jaan sa kyoon hai
Tanhai ki ye kaun si manzil hai rafeeqo
Ta hadd-e-nazar ek biyaban sa kyoon hai
Hum ne to koi baat nikali nahin gham ki
Wo zaud pashemaan pashemaan sa kyoon hai
Kya koi nai baat nazar aati hai hum mein
Aaina hamein dekh ke hairaan sa kyoon hai
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں