شمع دل شمع تمنا نہ جلا مان بھی جا — شہریار
شاعر
شمع دل شمع تمنا نہ جلا مان بھی جا
شمع دل شمع تمنا نہ جلا مان بھی جا
تیز آندھی ہے مخالف ہے ہوا مان بھی جا
ایسی دنیا میں جنوں ایسے زمانے میں وفا
اس طرح خود کو تماشا نہ بنا مان بھی جا
کب تلک ساتھ ترا دیں گے یہ دھندلے سائے
دیکھ نادان نہ بن ہوش میں آ مان بھی جا
زندگی میں ابھی خوشیاں بھی ہیں رعنائی بھی
زندگی سے ابھی دامن نہ چھڑا مان بھی جا
شہر پھر شہر ہے یاں جی تو بہل جاتا ہے
شہر کو چھوڑ کے صحرا کو نہ جا مان بھی جا
شہریار
Shama-e-dil shama-e-tamanna na jala maan bhi ja
Shama-e-dil shama-e-tamanna na jala maan bhi ja
Tez aandhi hai mukhalif hai hawa maan bhi ja
Aisi duniya mein junoon aise zamane mein wafa
Is tarah khud ko tamasha na bana maan bhi ja
Kab talak saath tera denge ye dhundle saaye
Dekh nadaan na ban hosh mein aa maan bhi ja
Zindagi mein abhi khushiyan bhi hain raanaai bhi
Zindagi se abhi daaman na chhuda maan bhi ja
Shahar phir shahar hai yaan ji to bahal jata hai
Shahar ko chhod ke sahra ko na ja maan bhi ja
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں