شہر جنوں میں کل تلک جو بھی تھا سب بدل گیا — شہریار
شاعر
شہر جنوں میں کل تلک جو بھی تھا سب بدل گیا
شہر جنوں میں کل تلک جو بھی تھا سب بدل گیا
مرنے کی خو نہیں رہی جینے کا ڈھب بدل گیا
پل میں ہوا مٹا گئی سارے نقوش نور کے
دیکھا ذرا سی دیر میں منظر شب بدل گیا
میری پرانی عرض پر غور کیا نہ جائے گا
یوں ہے کہ اس کی بزم میں طرز طلب بدل گیا
ساعت خوب وصل کی آنی تھی آ نہیں سکی
وہ بھی تو وہ نہیں رہا میں بھی تو اب بدل گیا
دوری کی داستان میں یہ بھی کہیں پہ درج ہو
تشنہ لبی تو ہے وہی چشمۂ لب بدل گیا
میرے سوا ہر ایک سے دنیا یہ پوچھتی رہی
مجھ سا جو ایک شخص تھا پتھر میں کب بدل گیا
شہریار
Shehr-e-junoon mein kal talak jo bhi tha sab badal gaya
Shehr-e-junoon mein kal talak jo bhi tha sab badal gaya
Marne ki kho nahin rahi jeene ka dhab badal gaya
Pal mein hawa mita gayi saare naqoosh noor ke
Dekha zara si der mein manzar-e-shab badal gaya
Meri purani arz par gaur kiya na jaayega
Yoon hai ke us ki bazm mein tarz-e-talab badal gaya
Saa'at-e-khoob vasl ki aani thi aa nahin saki
Woh bhi to woh nahin raha main bhi to ab badal gaya
Doori ki dastaan mein ye bhi kahin pe darj ho
Tashna-labi to hai wohi chashma lab badal gaya
Mere siwa har ek se duniya ye poochhti rahi
Mujh sa jo ek shakhs tha patthar mein kab badal gaya
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں