تمام خلق خدا دیکھ کے یہ حیراں ہے — شہریار
شاعر
تمام خلق خدا دیکھ کے یہ حیراں ہے
تمام خلق خدا دیکھ کے یہ حیراں ہے
کہ سارا شہر مرے خواب سے پریشاں ہے
میں اس سفر میں کسی موڑ پر نہیں ٹھہرا
رہا خیال کہ وہ وادیٔ غزالاں ہے
یہ ایک میں کہ تری آرزو ہی سب کچھ ہے
وہ ایک تو کہ مرے سائے سے گریزاں ہے
تو حافظے سے ترا نام کیوں نہیں مٹتا
جو یاد رکھنا ہے مشکل بھلانا آساں ہے
میں اس کتاب کے کس باب کو پڑھوں پہلے
وصال جس کا ہے مضموں فراق عنواں ہے
شہریار
Tamaam khalq-e-khuda dekh ke ye hairan hai
Tamaam khalq-e-khuda dekh ke ye hairan hai
Ke saara shehr mere khwab se pareshan hai
Main is safar mein kisi mod par nahin thehra
Raha khayal ke woh waadi-e-ghazalaan hai
Ye ek main ke teri aarzoo hi sab kuchh hai
Woh ek tu ke mere saaye se gurizan hai
Tu haafeze se tera naam kyun nahin mitta
Jo yaad rakhna hai mushkil bhulana aasaan hai
Main is kitaab ke kis baab ko padhun pehle
Visaal jis ka hai mazmoon firaq unwan hai
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں