طلسم ختم چلو آہ بے اثر کا ہوا — شہریار
شاعر
طلسم ختم چلو آہ بے اثر کا ہوا
طلسم ختم چلو آہ بے اثر کا ہوا
وہ دیکھو جسم برہنہ ہر اک شجر کا ہوا
سناؤں کیسے کہ سورج کی زد میں ہیں سب لوگ
جو حال رات کو پرچھائیوں کے گھر کا ہوا
صدا کے سائے میں سناٹوں کو پناہ ملی
عجب کہ شہر میں چرچا نہ اس خبر کا ہوا
خلا کی دھند ہی آنکھوں پہ مہربان رہی
حریف کوئی افق کب مری نظر کا ہوا
میں سوچتا ہوں مگر یاد کچھ نہیں آتا
کہ اختتام کہاں خواب کے سفر کا ہوا
شہریار
Tilism khatam chalo aah be-asar ka hua
Tilism khatam chalo aah be-asar ka hua
Woh dekho jism barhana har ek shajar ka hua
Sunaun kaise ke suraj ki zad mein hain sab log
Jo haal raat ko parchhaiyon ke ghar ka hua
Sada ke saaye mein sannaton ko panah mili
Ajab ke sheher mein charcha na is khabar ka hua
Khala ki dhund hi aankhon pe meharban rahi
Hareef koi ufuq kab meri nazar ka hua
Main sochta hun magar yaad kuch nahin aata
Ke ikhtitam kahan khwaab ke safar ka hua
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں