تجھ سے بچھڑے ہیں تو اب کس سے ملاتی ہے ہمیں — شہریار
شاعر
تجھ سے بچھڑے ہیں تو اب کس سے ملاتی ہے ہمیں
تجھ سے بچھڑے ہیں تو اب کس سے ملاتی ہے ہمیں
زندگی دیکھیے کیا رنگ دکھاتی ہے ہمیں
مرکز دیدہ و دل تیرا تصور تھا کبھی
آج اس بات پہ کتنی ہنسی آتی ہے ہمیں
پھر کہیں خواب و حقیقت کا تصادم ہوگا
پھر کوئی منزل بے نام بلاتی ہے ہمیں
دل میں وہ درد نہ آنکھوں میں وہ طغیانی ہے
جانے کس سمت یہ دنیا لیے جاتی ہے ہمیں
گردش وقت کا کتنا بڑا احساں ہے کہ آج
یہ زمیں چاند سے بہتر نظر آتی ہے ہمیں
شہریار
Tujh se bichhde hain to ab kis se milati hai hamein
Tujh se bichhde hain to ab kis se milati hai hamein
Zindagi dekhiye kya rang dikhati hai hamein
Markaz-e-deeda-o-dil tera tasawwur tha kabhi
Aaj is baat pe kitni hansi aati hai hamein
Phir kahin khwab o haqeeqat ka tasadum hoga
Phir koi manzil be-naam bulati hai hamein
Dil mein woh dard na aankhon mein woh tughyani hai
Jaane kis samt yeh duniya liye jaati hai hamein
Gardish-e-waqt ka kitna bada ehsan hai ke aaj
Yeh zameen chand se behtar nazar aati hai hamein
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں