امید و بیم — شہریار
شاعر
امید و بیم
میں نے اکثر انہیں آنکھوں کے دریچے سے تجھے
جھانکتے دیکھا ہے
جب لغزش انفاس بڑھی
تند و پر شور صداؤں کا ہجوم
نور افروز خلاؤں سے ہم آغوش ہوا
میں نے اکثر انہیں آنکھوں کے دریچے میں تجھے
ڈوبتے دیکھا ہے
جب تلخئی احساس گھٹی
خامشی رخت سفر باندھ چکی
تند و پر شور صداؤں کا ہجوم
ظلمت انگیز زمیں دوز گپھاؤں کا جگر
چیر کے
اونگھتی تنہائی میں تحلیل ہوا
میں نے تو نے انہیں آنکھوں کے دریچے کے قریب
روشنی روتے ہوئے نور کے میناروں کو
اشک بنتے ہوئے گرتے ہوئے دیکھا ہے
تو کیوں
آندھیاں چلنے لگیں
خوف سے کانپ اٹھیں باز دریچوں کی لویں؟
شہریار
Umeed o Beem
Main ne aksar unhein aankhon ke dareeche se tujhe
Jhaankte dekha hai
Jab laghzish-e-anfaas badhi
Tund o pur shor sadaaon ka hujoom
Noor afroz khalaon se hum aaghosh hua
Main ne aksar unhein aankhon ke dareeche mein tujhe
Doobte dekha hai
Jab talkhi-e-ehsaas ghati
Khaamoshi rakht-e-safar baandh chuki
Tund o pur shor sadaaon ka hujoom
Zulmat angez zameen dooz guphaaon ka jigar
Cheer ke
Oonghti tanhaai mein tahlil hua
Main ne to ne unhein aankhon ke dareeche ke qareeb
Roshni rote hue noor ke meenaaron ko
Ashk bante hue girte hue dekha hai
To kyun
Aandhiyan chalne lagin
Khauf se kaanp uthin baaz dareechon ki lo'ein?
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں