امید سے کم چشم خریدار میں آئے — شہریار
شاعر
امید سے کم چشم خریدار میں آئے
امید سے کم چشم خریدار میں آئے
ہم لوگ ذرا دیر سے بازار میں آئے
سچ خود سے بھی یہ لوگ نہیں بولنے والے
اے اہل جنوں تم یہاں بے کار میں آئے
یہ آگ ہوس کی ہے جھلس دے گی اسے بھی
سورج سے کہو سایۂ دیوار میں آئے
بڑھتی ہی چلی جاتی ہے تنہائی ہماری
کیا سوچ کے ہم وادئ انکار میں آئے
شہریار
Umeed se kam chashm-e-kharidaar mein aaye
Umeed se kam chashm-e-kharidaar mein aaye
Hum log zara der se bazaar mein aaye
Sach khud se bhi yeh log nahin bolne wale
Aye ahl-e-junoon tum yahan bekar mein aaye
Yeh aag hawas ki hai jhulas degi use bhi
Suraj se kaho saya deewar mein aaye
Badhti hi chali jaati hai tanhai hamari
Kya soch ke hum wadi-e-inkaar mein aaye
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں