اس کو کسی کے واسطے بے تاب دیکھتے — شہریار
شاعر
اس کو کسی کے واسطے بے تاب دیکھتے
اس کو کسی کے واسطے بے تاب دیکھتے
ہم بھی کبھی یہ منظر نایاب دیکھتے
ساحل کی ریت نے ہمیں واپس بلا لیا
ورنہ ضرور حلقۂ گرداب دیکھتے
بارش کا لطف بند مکانوں میں کچھ نہیں
باہر نکلتے گھر سے تو سیلاب دیکھتے
آتی کسی کو راس شہادت حسینؔ کی
دنیا میں ہم کسی کو تو سیراب دیکھتے
راتوں کو جاگنے کے سوا اور کیا کیا
آنکھیں اگر ملی تھیں کوئی خواب دیکھتے
شہریار
Uss ko kisi ke waaste be-taab dekhte
Uss ko kisi ke waaste be-taab dekhte
Hum bhi kabhi yeh manzar nayaab dekhte
Sahil ki ret ne hamein wapas bula liya
Warna zaroor halqa-e-gardaab dekhte
Barish ka lutf band makanon mein kuch nahin
Bahar nikalte ghar se to sailaab dekhte
Aati kisi ko raas shahadat Hussain ki
Duniya mein hum kisi ko to seraab dekhte
Raaton ko jaagne ke siwa aur kya kya
Aankhen agar mili thin koi khwab dekhte
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں