وہ موڑ — شہریار
شاعر
وہ موڑ
پھر تری تتلی نما صورت مجھے یاد آ گئی
مجھ کو وہ لمحہ ابھی بھولا نہیں
ایک کونے میں کئی لوگوں کے ساتھ
گفتگو میں منہمک کھویا ہوا
میری آنکھوں نے کبھی تجھ سا کوئی دیکھا نہ تھا
میں تجھے تکنے لگا
دیر تک تکتا رہا
آنکھ سے کانوں سے ہونٹوں سے تجھے تکتا رہا
کیا عجب دیوانگی تھی
رشک آیا بخت پہ اپنے مجھے
لفظ کے اسرار مجھ پہ وا ہوئے
گھنٹیاں سی میرے کانوں میں بجیں
نور کے سیلاب میں ڈوبی ہوئی اس شام کی
ایک اک ساعت ترے ہمراہ ہے
رک گیا ہے وقت اس اک موڑ پر
میں جدائی کے لئے مجبور تھا
تو جدائی پر جہاں مسرور تھا
شہریار
Woh Mod
Phir teri titli numa surat mujhe yaad aa gayi
Mujh ko woh lamha abhi bhoola nahin
Ek kone mein kai logon ke saath
Guftagu mein munhamik khoya hua
Meri aankhon ne kabhi tujh sa koi dekha na tha
Main tujhe takne laga
Der tak takta raha
Aankh se kaanon se honton se tujhe takta raha
Kya ajab deewangi thi
Rashk aaya bakht pe apne mujhe
Lafz ke asraar mujh pe wa hue
Ghantiyan si mere kaanon mein bajin
Noor ke sailaab mein doobi hui us shaam ki
Ek ek sa'at tere hamrah hai
Ruk gaya hai waqt is ek mod par
Main judai ke liye majboor tha
Tu judai par jahan masroor tha
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں