یہ کیا ہوا کہ طبیعت سنبھلتی جاتی ہے — شہریار
شاعر
یہ کیا ہوا کہ طبیعت سنبھلتی جاتی ہے
یہ کیا ہوا کہ طبیعت سنبھلتی جاتی ہے
ترے بغیر بھی یہ رات ڈھلتی جاتی ہے
اس اک افق پہ ابھی تک ہے اعتبار مجھے
مگر نگاہ مناظر بدلتی جاتی ہے
چہار سمت سے گھیرا ہے تیز آندھی نے
کسی چراغ کی لو پھر بھی جلتی جاتی ہے
میں اپنے جسم کی سرگوشیوں کو سنتا ہوں
ترے وصال کی ساعت نکلتی جاتی ہے
یہ دیکھو آ گئی میرے زوال کی منزل
میں رک گیا مری پرچھائیں چلتی جاتی ہے
شہریار
Ye kya hua ke tabiyat sambhalti jaati hai
Ye kya hua ke tabiyat sambhalti jaati hai
Tere baghair bhi ye raat dhalti jaati hai
Us ek ufaq pe abhi tak hai aitbaar mujhe
Magar nigah manazir badalti jaati hai
Chahar simt se ghera hai tez aandhi ne
Kisi charagh ki lau phir bhi jalti jaati hai
Main apne jism ki sargoshiyon ko sunta hoon
Tere visal ki saa'at nikalti jaati hai
Ye dekho aa gayi mere zawaal ki manzil
Main ruk gaya meri parchhaiyan chalti jaati hai
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں