یہ اک شجر کہ جس پہ نہ کانٹا نہ پھول ہے — شہریار
شاعر
یہ اک شجر کہ جس پہ نہ کانٹا نہ پھول ہے
یہ اک شجر کہ جس پہ نہ کانٹا نہ پھول ہے
سائے میں اس کے بیٹھ کے رونا فضول ہے
راتوں سے روشنی کی طلب ہائے سادگی
خوابوں میں اس کی دید کی خو کیسی بھول ہے
ہے ان کے دم قدم ہی سے کچھ آبروئے زیست
دامن میں جن کے دشت تمنا کی دھول ہے
سورج کا قہر صرف برہنہ سروں پہ ہے
پوچھو ہوس پرست سے وہ کیوں ملول ہے
آؤ ہوا کے ہاتھ کی تلوار چوم لیں
اب بزدلوں کی فوج سے لڑنا فضول ہے
شہریار
Yeh ek shajar ke jis pe na kaanta na phool hai
Yeh ek shajar ke jis pe na kaanta na phool hai
Saaye mein us ke baith ke rona fazool hai
Raaton se roshni ki talab haaye saadgi
Khwabon mein us ki deed ki kho kaisi bhool hai
Hai un ke dam qadam hi se kuch aabroo-e-zeest
Daman mein jin ke dasht-e-tamanna ki dhool hai
Suraj ka qahr sirf barhana saron pe hai
Poochho hawas parast se woh kyun malool hai
Aao hawa ke haath ki talwar choom lein
Ab buzdilon ki fauj se ladna fazool hai
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں