یہ جگہ اہل جنوں اب نہیں رہنے والی — شہریار
شاعر
یہ جگہ اہل جنوں اب نہیں رہنے والی
یہ جگہ اہل جنوں اب نہیں رہنے والی
فرصت عشق میسر کہاں پہلے والی
کوئی دریا ہو کہیں جو مجھے سیراب کرے
ایک حسرت ہے جو پوری نہیں ہونے والی
وقت کوشش کرے میں چاہوں مگر یاد تری
دھندلی ہو سکتی ہے دل سے نہیں مٹنے والی
اب مرے خوابوں کی باری ہے یہی لگتا ہے
نیند تو چھن چکی کب کی مرے حصے والی
ان دنوں میں بھی ہوں کچھ کار جہاں میں مصروف
بات تجھ میں بھی نہیں رہ گئی پہلے والی
شہریار
Yeh jagah ahl-e-junuuN ab nahiN rehne waali
Yeh jagah ahl-e-junuuN ab nahiN rehne waali
Fursat-e-ishq mayassar kahaN pehle waali
Koi darya ho kahiN jo mujhe sairaab kare
Ek hasrat hai jo poori nahiN hone waali
Waqt koshish kare maiN chaahuN magar yaad teri
Dhundlee ho sakti hai dil se nahiN mitne waali
Ab mere khwaaboN ki baari hai yehi lagta hai
Neend toh chhin chuki kab ki mere hisse waali
In dinoN mein bhi huuN kuch kaar-e-jahaaN mein masroof
Baat tujh mein bhi nahiN reh gai pehle waali
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں