زوال کی حد — شہریار
شاعر
زوال کی حد
بوتل کے اندر کا جن
نکلے تو اس سے پوچھیں
جینے کا کیا ڈھنگ کریں
کن سپنوں سے جنگ کریں
کھولو سوڈا لاؤ گلاس
دو آنے کے سیخ کباب
سگریٹ بھی لیتے آنا
پارک میں کیا وہ آئی تھی
آج بھی کیا شرمائی تھی
کیسے کپڑے پہنے تھی
کیا انداز تھا جوڑے کا
تم نے اس سے پوچھا تھا
رات جو تم نے سوچا تھا
فیضؔ کی تازہ نظم پڑھی
اور بیدیؔ کا افسانہ
لوپ سے کیا حاصل ہوگا
دریا کیا ساحل ہوگا
بھوک سے جنتا مرتی ہے
پنجابی صوبے کے بعد
چین نئی دھمکی دے گا
اندرا جی کے بھاشن میں
پنڈت جی کی بات کہاں
شاستری اردو بولتے تھے
جن سنگھی کیوں سنتے تھے
آج کسی کی برسی تھی
ویسٹ انڈیز ہی جیتے گا
تھوڑا سوڈا اور ملاؤ
کدھر لوٹری ہے بتلاؤ
تم اتنے خاموش ہو کیوں
نظم کوئی کہہ ڈالی کیا
تو پھر کیا ہے ہو جائے
لیکن شرط ترنم ہے
پنکھے کی اسپیڈ بڑھاؤ
کٹھمنڈو نیپال میں ہے
سارتر کی بیوی کیسی ہے
ہم بندر کے پوتے ہیں
میرٹھ سے قینچی بھی لائے
لا یعنی ہیں مرگ و زیست
بے معنی ہیں سب الفاظ
بے حس ہے مخلوق خدا
ہر انساں اک سایہ ہے
شادی غم اک دھوکا ہے
دل آنکھیں لب ہاتھ دماغ
ایک وبا کی زد میں ہیں
اپنے زوال کی حد میں ہیں
شہریار
Zawaal ki hadd
Bottle ke andar ka jinn
Nikle to us se poochhein
Jeene ka kya dhang karein
Kin sapnon se jang karein
Kholo soda laao glass
Do aane ke seekh kabab
Cigarette bhi lete aana
Park mein kya wo aayi thi
Aaj bhi kya sharmayi thi
Kaise kapde pehne thi
Kya andaaz tha jode ka
Tum ne us se poochha tha
Raat jo tum ne socha tha
Faiz ki taaza nazm padhi
Aur Bedi ka afsaana
Loop se kya haasil hoga
Darya kya saahil hoga
Bhuk se janta marti hai
Punjabi soobe ke baad
Cheen nayi dhamki dega
Indira ji ke bhaashan mein
Pandit ji ki baat kahan
Shastri Urdu bolte the
Jan Sanghi kyun sunte the
Aaj kisi ki barsi thi
West Indies hi jeetega
Thoda soda aur milao
Kidhar lottery hai batlao
Tum itne khamosh ho kyun
Nazm koi keh daali kya
To phir kya hai ho jaaye
Lekin shart tarannum hai
Pankhe ki speed badhao
Kathmandu Nepal mein hai
Sartre ki biwi kaisi hai
Hum bandar ke pote hain
Meerut se qainchi bhi laaye
La ya'ni hain marg-o-zist
Be-ma'ni hain sab alfaaz
Be-his hai makhlooq-e-Khuda
Har insaan ik saaya hai
Shaadi gham ik dhoka hai
Dil aankhein lab haath dimaagh
Ek waba ki zad mein hain
Apne zawaal ki hadd mein hain
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں