زندہ رہنے کا یہ احساس — شہریار
شاعر
زندہ رہنے کا یہ احساس
ریت مٹھی میں کبھی ٹھہری ہے
پیاس سے اس کو علاقہ کیا ہے
عمر کا کتنا بڑا حصہ گنوا بیٹھا میں
جانتے بوجھتے کردار ڈرامے کا بنا
اور اس رول کو سب کہتے ہیں
ہوشیاری سے نبھایا میں نے
ہنسنے کے جتنے مقام آئے ہنسا
بس مجھے رونے کی ساعت پہ خجل ہونا پڑا
جانے کیوں رونے کے ہر لمحے کو
ٹال دیتا ہوں کسی اگلی گھڑی پر
دل میں خوف و نفرت کو سجا لیتا ہوں
مجھ کو یہ دنیا بھلی لگتی ہے
بھیڑ میں اجنبی لگنے میں مزا آتا ہے
آشنا چہروں کے بدلے ہوئے تیور مجھ کو
حال سے ماضی میں لے جاتے ہیں
کہنیاں زخمی ہیں اور گھٹنوں پر
کچھ خراشوں کے نشاں
سوندھی مٹی کی مہک کھینچے لیے جاتی ہے
تتلیاں پھول ہوا چاندنی کنکر پتھر
سب مرے ساتھ میں ہیں
سانس بے خوفی سے لیتا ہوں میں
شہریار
Zinda rehne ka ye ehsaas
Reet muthi mein kabhi thehri hai
Pyaas se is ko ilaqa kya hai
Umar ka kitna bada hissa ganwa baitha main
Jaante boojhte kirdar drame ka bana
Aur us role ko sab kehte hain
Hoshiyari se nibhaya main ne
Hansne ke jitne maqam aaye hansa
Bas mujhe rone ki sa'at pe khajil hona pada
Jaane kyun rone ke har lamhe ko
Taal deta hoon kisi agli ghadi par
Dil mein khauf-o-nafrat ko saja leta hoon
Mujh ko ye duniya bhali lagti hai
Bheed mein ajnabi lagne mein maza aata hai
Aashna chehron ke badle hue tewar mujh ko
Haal se maazi mein le jaate hain
Kohaniyan zakhmi hain aur ghutnon par
Kuch kharashon ke nishaan
Sondhi mitti ki mahak kheenche liye jaati hai
Titliyan phool hawa chandni kankar patthar
Sab mere saath mein hain
Saans be-khaufi se leta hoon main
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں