زندگی جیسی توقع تھی نہیں کچھ کم ہے — شہریار
شاعر
زندگی جیسی توقع تھی نہیں کچھ کم ہے
زندگی جیسی توقع تھی نہیں کچھ کم ہے
ہر گھڑی ہوتا ہے احساس کہیں کچھ کم ہے
گھر کی تعمیر تصور ہی میں ہو سکتی ہے
اپنے نقشے کے مطابق یہ زمیں کچھ کم ہے
بچھڑے لوگوں سے ملاقات کبھی پھر ہوگی
دل میں امید تو کافی ہے یقیں کچھ کم ہے
اب جدھر دیکھیے لگتا ہے کہ اس دنیا میں
کہیں کچھ چیز زیادہ ہے کہیں کچھ کم ہے
آج بھی ہے تری دوری ہی اداسی کا سبب
یہ الگ بات کہ پہلی سی نہیں کچھ کم ہے
شہریار
Zindagi jaisi tawaqqo thi nahin kuch kam hai
Zindagi jaisi tawaqqo thi nahin kuch kam hai
Har ghadi hota hai ehsaas kahin kuch kam hai
Ghar ki taameer tasawwur hi mein ho sakti hai
Apne naqshe ke mutabiq ye zameen kuch kam hai
Bichhde logon se mulaqat kabhi phir hogi
Dil mein ummeed to kaafi hai yaqeen kuch kam hai
Ab jidhar dekhiye lagta hai ke is duniya mein
Kahin kuch cheez zyada hai kahin kuch kam hai
Aaj bhi hai teri doori hi udaasi ka sabab
Ye alag baat ke pehli si nahin kuch kam hai
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں