آنکھوں سے تری زلف کا سایہ نہیں جاتا — عبدالحمیدعدم
شاعر
آنکھوں سے تری زلف کا سایہ نہیں جاتا
آنکھوں سے تری زلف کا سایہ نہیں جاتا
آرام جو دیکھا ہے بھلایا نہیں جاتا
اللہ رے نادان جوانی کی امنگیں!
جیسے کوئی بازار سجایا نہیں جاتا
آنکھوں سے پلاتے رہو ساغر میں نہ ڈالو
اب ہم سے کوئی جام اٹھایا نہیں جاتا
بولے کوئی ہنس کر تو چھڑک دیتے ہیں جاں بھی
لیکن کوئی روٹھے تو منایا نہیں جاتا
جس تار کو چھیڑیں وہی فریاد بہ لب ہے
اب ہم سے عدمؔ ساز بجایا نہیں جاتا
Āñkhon se terī zulf kā sāya nahīn jātā
Āñkhon se terī zulf kā sāya nahīn jātā
Ārām jo dekhā hai bhulāyā nahīn jātā
Allāh re nādān jawānī kī umangen!
Jaise koī bāzār sajāyā nahīn jātā
Āñkhon se pilāte raho sāghar mein na Dālo
Ab ham se koī jām uThāyā nahīn jātā
Bole koī hans kar to chhiRak dete hain jāñ bhī
Lekin koī rooThe to manāyā nahīn jātā
Jis tār ko chheRen wohī faryād ba-lab hai
Ab ham se 'Adam' sāz bajāyā nahīn jātā
شاعر کے بارے میں
عبدالحمیدؔ عدم کا اصل نام عبدالحمید تھا، اُن کا تخلص “عدم” تھا اور وہ ۱۰ اپریل ۱۹۱۰ء کو ضلع گجرانوالہ کے گاؤں تلونڈی موسیٰ خان میں پیدا ہوئے۔ ابتدا...
مکمل تعارف پڑھیں