ایسا نیازِ عشق نے سادہ بنا دیا — عبدالحمیدعدم
شاعر
ایسا نیازِ عشق نے سادہ بنا دیا
ایسا نیازِ عشق نے سادہ بنا دیا
ہم اس کے ہو گئے ہمیں جسکا بنا دیا
تقدیر نے، فلک نے،محبت نے عشق نے
جس نے بھی چاہا میرا تماشہ بنا دیا
ویرانیاں سمیٹ کر سارے جہان کی
جب کچھ نہ بن سکا تو میرا دل بنا دیا
اب تم مرے بنو نہ بنو تم کو ہے اختیار
تقدیر نے تو مجھ کو تماشہ بنا دیا
ہوتا خدا کا عشق تو بن جاتا اور کچھ
بندے کے عشق نے مجھے بندہ بنا دیا
دنیا تیرے وجود کو کرتی رہی تلاش
ہم نے تیرے خیال کو یزداں بنا دیا
سرمہ سمجھ کہ آنکھ میں دی غیر کو جگہ
آنسو سمجھ کہ آنکھ سے ہم کو گرا دیا
Aisa niaz-e-ishq ne saada bana diya
Aisa niaz-e-ishq ne saada bana diya
Hum uske ho gaye, hamein jiska bana diya
Taqdeer ne, falak ne, mohabbat ne, ishq ne
Jis ne bhi chaha mera tamasha bana diya
Veeraniyan samet kar saare jahan ki
Jab kuch na ban saka to mera dil bana diya
Ab tum mere bano na bano tum ko hai ikhtiyar
Taqdeer ne to mujh ko tamasha bana diya
Hota Khuda ka ishq to ban jata aur kuch
Bande ke ishq ne mujhe banda bana diya
Duniya tere wujood ko karti rahi talaash
Hum ne tere khayal ko Yazdaan bana diya
Surma samajh ke aankh mein di ghair ko jagah
Aansu samajh ke aankh se hum ko gira diya
شاعر کے بارے میں
عبدالحمیدؔ عدم کا اصل نام عبدالحمید تھا، اُن کا تخلص “عدم” تھا اور وہ ۱۰ اپریل ۱۹۱۰ء کو ضلع گجرانوالہ کے گاؤں تلونڈی موسیٰ خان میں پیدا ہوئے۔ ابتدا...
مکمل تعارف پڑھیں