آگہی میں اک خلا موجود ہے — عبدالحمیدعدم
شاعر
آگہی میں اک خلا موجود ہے
آگہی میں اک خلا موجود ہے
اس کا مطلب ہے خدا موجود ہے
ہے یقیناً کچھ مگر واضح نہیں
آپ کی آنکھوں میں کیا موجود ہے
بانکپن میں اور کوئی شے نہیں
سادگی کی انتہا موجود ہے
ہے مکمل بادشاہی کی دلیل
گھر میں گر اک بوریا موجود ہے
شوقیہ کوئی نہیں ہوتا غلط
اس میں کچھ تیری رضا موجود ہے
اس لیے تنہا ہوں میں گرم سفر
قافلے میں رہنما موجود ہے
ہر محبت کی بنا ہے چاشنی
ہر لگن میں مدعا موجود ہے
ہر جگہ ہر شہر ہر اقلیم میں
دھوم ہے اس کی جو ناموجود ہے
جس سے چھپنا چاہتا ہوں میں عدمؔ
وہ ستم گر جا بہ جا موجود ہے
Aagahi mein ik khala maujood hai
Aagahi mein ik khala maujood hai
Is ka matlab hai Khuda maujood hai
Hai yaqeenan kuch magar wazeh nahin
Aap ki aankhon mein kya maujood hai
Baankpan mein aur koi shai nahin
Saadgi ki inteha maujood hai
Hai mukammal baadshahi ki daleel
Ghar mein gar ik boriya maujood hai
Shauqiya koi nahin hota ghalat
Is mein kuch teri raza maujood hai
Is liye tanha hoon main garm-e-safar
Qafile mein rahnuma maujood hai
Har mohabbat ki bana hai chaashni
Har lagan mein mudda'a maujood hai
Har jagah har shahar har aqleem mein
Dhoom hai uski jo naa-maujood hai
Jis se chhupna chahta hoon main Adam
Wo sitamgar jaa-ba-jaa maujood hai
شاعر کے بارے میں
عبدالحمیدؔ عدم کا اصل نام عبدالحمید تھا، اُن کا تخلص “عدم” تھا اور وہ ۱۰ اپریل ۱۹۱۰ء کو ضلع گجرانوالہ کے گاؤں تلونڈی موسیٰ خان میں پیدا ہوئے۔ ابتدا...
مکمل تعارف پڑھیں