آپ کی آنکھ اگر آج گلابی ہوگی — عبدالحمیدعدم
شاعر
آپ کی آنکھ اگر آج گلابی ہوگی
آپ کی آنکھ اگر آج گلابی ہوگی
میری سرکار بڑی سخت خرابی ہوگی
محتسب نے ہی پڑھا ہوگا مقالہ پہلے
مری تقریر بہ ہر حال جوابی ہوگی
آنکھ اٹھانے سے بھی پہلے ہی وہ ہوں گے غائب
کیا خبر تھی کہ انہیں اتنی شتابی ہوگی
ہر محبت کو سمجھتا ہے وہ ناول کا ورق
اس پری زاد کی تعلیم کتابی ہوگی
شیخ جی ہم تو جہنم کے پرندے ٹھہرے
آپ کے پاس تو فردوس کی چابی ہوگی
کر دیا موسیٰ کو جس چیز نے بے ہوش عدمؔ
بے نقابی نہیں وہ نیم حجابی ہوگی
Aap ki aankh agar aaj gulabi hogi
Aap ki aankh agar aaj gulabi hogi
Meri sarkar badi sakht kharabi hogi
Muhtasib ne hi padha hoga muqala pehle
Meri taqreer ba har haal jawabi hogi
Aankh uthane se bhi pehle hi woh honge ghayab
Kya khabar thi ke unhein itni shataabi hogi
Har mohabbat ko samajhta hai woh novel ka waraq
Is pari-zaad ki taleem kitabi hogi
Shaikh ji hum to jahannum ke parinde thehre
Aap ke paas to firdaus ki chaabi hogi
Kar diya Moosa ko jis cheez ne behosh Adam
Be-naqabi nahin woh neem-hijabi hogi
شاعر کے بارے میں
عبدالحمیدؔ عدم کا اصل نام عبدالحمید تھا، اُن کا تخلص “عدم” تھا اور وہ ۱۰ اپریل ۱۹۱۰ء کو ضلع گجرانوالہ کے گاؤں تلونڈی موسیٰ خان میں پیدا ہوئے۔ ابتدا...
مکمل تعارف پڑھیں