اب دو عالم سے صدائے ساز آتی ہے مجھے — عبدالحمیدعدم
شاعر
اب دو عالم سے صدائے ساز آتی ہے مجھے
اب دو عالم سے صدائے ساز آتی ہے مجھے
دل کی آہٹ سے تری آواز آتی ہے مجھے
جھاڑ کر گرد غم ہستی کو اڑ جاؤں گا میں
بے خبر ایسی بھی اک پرواز آتی ہے مجھے
یا سماعت کا بھرم ہے یا کسی نغمے کی گونج
ایک پہچانی ہوئی آواز آتی ہے مجھے
کس نے کھولا ہے ہوا میں گیسوؤں کو ناز سے
نرم رو برسات کی آواز آتی ہے مجھے
اس کی نازک انگلیوں کو دیکھ کر اکثر عدمؔ
ایک ہلکی سی صدائے ساز آتی ہے مجھے
Ab do aalam se sada-e-saaz aati hai mujhe
Ab do aalam se sada-e-saaz aati hai mujhe
Dil ki aahat se teri aawaz aati hai mujhe
Jhaad kar gard-e-gham-e-hasti ko ud jaaunga main
Be-khabar aisi bhi ik parwaz aati hai mujhe
Ya sama'at ka bharam hai ya kisi naghme ki goonj
Ek pehchani hui aawaz aati hai mujhe
Kis ne khola hai hawa mein gesuon ko naaz se
Narm-rau barsaat ki aawaz aati hai mujhe
Uski nazuk ungliyon ko dekh kar aksar Adam
Ek halki si sada-e-saaz aati hai mujhe
شاعر کے بارے میں
عبدالحمیدؔ عدم کا اصل نام عبدالحمید تھا، اُن کا تخلص “عدم” تھا اور وہ ۱۰ اپریل ۱۹۱۰ء کو ضلع گجرانوالہ کے گاؤں تلونڈی موسیٰ خان میں پیدا ہوئے۔ ابتدا...
مکمل تعارف پڑھیں