دل کے معاملات میں سود و زیاں کی بات — عبدالحمیدعدم
شاعر
دل کے معاملات میں سود و زیاں کی بات
دل کے معاملات میں سود و زیاں کی بات
ایسی ہے جیسے موسم گل میں خزاں کی بات
اچھا وہ باغ خلد جہاں رہ چکے ہیں ہم
ہم سے ہی کر رہا ہے تو زاہد وہاں کی بات
زاہد ترا کلام بھی ہے با اثر مگر
پیر مغاں کی بات ہے پیر مغاں کی بات
اک زخم تھا کہ وقت کے ہاتھوں سے بھر گیا
کیا پوچھتے ہیں آپ کسی مہرباں کی بات
ہر بات زلف یار کی مانند ہے دراز
جو بات چھیڑتے ہیں ، وہ ہے ، داستاں کی بات
اٹھ کر تری گلی سے کہاں جاییں اب فقیر ؟
تیری گلی کے ساتھ ہے اب جسم و جاں کی بات
باتیں ادھر ادھر کی سنا کر جہاں کو
وہ حذف کر گئے ہیں عدم درمیاں کی بات
Dil ke maamlaat mein sood-o-ziyan ki baat
Dil ke maamlaat mein sood-o-ziyan ki baat
Aisi hai jaise mausam-e-gul mein khizan ki baat
Achha woh bagh-e-khuld jahan reh chuke hain hum
Hum se hi kar raha hai tu zahid wahan ki baat
Zahid tera kalaam bhi hai ba-asar magar
Peer-e-mughan ki baat hai peer-e-mughan ki baat
Ik zakhm tha ke waqt ke hathon se bhar gaya
Kya poochhte hain aap kisi meherbaan ki baat
Har baat zulf-e-yaar ki maanind hai daraaz
Jo baat chhedte hain, woh hai, dastaan ki baat
Uth kar teri gali se kahan jayen ab faqeer?
Teri gali ke saath hai ab jism-o-jaan ki baat
Batein idhar udhar ki suna kar jahan ko
Woh hazf kar gaye hain Adam darmiyan ki baat
شاعر کے بارے میں
عبدالحمیدؔ عدم کا اصل نام عبدالحمید تھا، اُن کا تخلص “عدم” تھا اور وہ ۱۰ اپریل ۱۹۱۰ء کو ضلع گجرانوالہ کے گاؤں تلونڈی موسیٰ خان میں پیدا ہوئے۔ ابتدا...
مکمل تعارف پڑھیں