دل تھا کہ پھول بن کے بکھرتا چلا گیا — عبدالحمیدعدم
شاعر
دل تھا کہ پھول بن کے بکھرتا چلا گیا
دل تھا کہ پھول بن کے بکھرتا چلا گیا
تصویر کا جمال ابھرتا چلا گیا
شام آئی اور آئی کچھ اس اہتمام سے
وہ گیسوئے دراز بکھرتا چلا گیا
غم کی لکیر تھی کہ خوشی کا اداس رنگ
ہر نقش آئینے میں ابھرتا چلا گیا
ہر چند راستے میں تھے کانٹے بچھے ہوئے
جس کو تیری طلب تھی گزرتا چلا گیا
جب تک تری نگاہ نے توفیق دی مجھے
میں تیری زلف بن کے سنورتا چلا گیا
دو ہی تو کام تھے دل ناداں کو اے عدمؔ
جیتا چلا گیا کبھی مرتا چلا گیا
Dil thā ke phool ban ke bikharTā chalā gayā
Dil thā ke phool ban ke bikharTā chalā gayā
Tasvīr kā jamāl ubharTā chalā gayā
Shām āī aur āī kuchh is ehtimām se
Woh gīsu-e-darāz bikharTā chalā gayā
Gham kī lakīr thī ke KHushī kā udās rang
Har naqsh āīne mein ubharTā chalā gayā
Har chand rāste mein the kānTe bichhe hu'e
Jis ko terī talab thī guzarTā chalā gayā
Jab tak terī nigāh ne taufīq dī mujhe
Main terī zulf ban ke sanwarTā chalā gayā
Do hī to kām the dil-e-nādān ko ay 'Adam'
Jītā chalā gayā kabhī marTā chalā gayā
شاعر کے بارے میں
عبدالحمیدؔ عدم کا اصل نام عبدالحمید تھا، اُن کا تخلص “عدم” تھا اور وہ ۱۰ اپریل ۱۹۱۰ء کو ضلع گجرانوالہ کے گاؤں تلونڈی موسیٰ خان میں پیدا ہوئے۔ ابتدا...
مکمل تعارف پڑھیں