کاش اتفاق سے کبھی لب تو ہلائے دوست — عبدالحمیدعدم
شاعر
کاش اتفاق سے کبھی لب تو ہلائے دوست
کاش اتفاق سے کبھی لب تو ہلائے دوست
دل بھی براے دوست ہے جاں بھی براے دوست
دل میں عجب سکون سا ہوتا ہے موجزن
آتی ہے گاہ گاہ کہیں سے صدائے دوست
اب انتخاب ہو بھی تو کیا انتخاب ہو
دوزخ ادائے دوست ہے جنت رضائے دوست
یارو شباب موسم گل اور یہ بے حسی
لاؤ ذرا سی گرمی رنگ قبائے دوست
ہم کہہ رہے ہیں روٹھا ہوا یار ہی ملے
ہم بے ادب نہیں کہ کہیں مسکرائے دوست
ساغر عدمؔ اٹھاؤں کہ پہلے وضو کریں
یہ بھی رضائے دوست ہے وہ بھی رضائے دوست
Kāsh ittifāq se kabhī lab to hilā'e dost
Kāsh ittifāq se kabhī lab to hilā'e dost
Dil bhī barā-e-dost hai jāñ bhī barā-e-dost
Dil mein ajab sukūn sā hotā hai maujzan
Ātī hai gāh gāh kahīn se sadā-e-dost
Ab intikhāb ho bhī to kyā intikhāb ho
Dozakh adā-e-dost hai jannat razā-e-dost
Yāro shabāb mausam-e-gul aur yeh be-hisī
Lā'o zarā sī garmī rang-e-qabā-e-dost
Ham keh rahe hain rooThā huā yār hī mile
Ham be-adab nahīn ke kahīn muskurā'e dost
Sāghar 'Adam' uThā'ūn ke pehle wuzū karen
Yeh bhī razā-e-dost hai woh bhī razā-e-dost
شاعر کے بارے میں
عبدالحمیدؔ عدم کا اصل نام عبدالحمید تھا، اُن کا تخلص “عدم” تھا اور وہ ۱۰ اپریل ۱۹۱۰ء کو ضلع گجرانوالہ کے گاؤں تلونڈی موسیٰ خان میں پیدا ہوئے۔ ابتدا...
مکمل تعارف پڑھیں