کبھی اتنی زحمت تو فرمائیے گا — عبدالحمیدعدم
شاعر
کبھی اتنی زحمت تو فرمائیے گا
کبھی اتنی زحمت تو فرمائیے گا
کہیں سے مجھے ڈھونڈھ کر لائیے گا
مرا حال اب کچھ توجہ طلب ہے
مرے حال پر غور فرمائیے گا
بڑا سخت ہے راستہ زندگی کا
ذرا دو قدم آپ بھی آئیے گا
حوادث کی رو خود بھی اک حادثہ ہے
حوادث کی رو سے نہ گھبرائیے گا
بس اب آنے والی ہے رت زندگی کی
کسی دن اچانک چلے آئیے گا
ذرا میں بھی تعظیم موسم کروں گا
ذرا آپ بھی شوق فرمائیے گا
Kabhī itnī zahmat to farmā'iyegā
Kabhī itnī zahmat to farmā'iyegā
Kahīn se mujhe DhoonDh kar lā'iyegā
Merā hāl ab kuchh tawajjuh talab hai
Mere hāl par ghaur farmā'iyegā
BaRā saKHat hai rāsta zindagī kā
Zarā do qadam āp bhī ā'iyegā
Hawādis kī rau KHud bhī ik hādisa hai
Hawādis kī rau se na ghabrā'iyegā
Bas ab āne wālī hai rut zindagī kī
Kisī din achānak chale ā'iyegā
Zarā main bhī ta'zīm-e-mausam karūn gā
Zarā āp bhī shauq farmā'iyegā
شاعر کے بارے میں
عبدالحمیدؔ عدم کا اصل نام عبدالحمید تھا، اُن کا تخلص “عدم” تھا اور وہ ۱۰ اپریل ۱۹۱۰ء کو ضلع گجرانوالہ کے گاؤں تلونڈی موسیٰ خان میں پیدا ہوئے۔ ابتدا...
مکمل تعارف پڑھیں