خیرات صرف اتنی ملی ہے حیات سے — عبدالحمیدعدم
شاعر
خیرات صرف اتنی ملی ہے حیات سے
خیرات صرف اتنی ملی ہے حیات سے
پانی کی بوند جیسے عطا ہو فرات سے
شبنم اسی جنوں میں ازل سے ہے سینہ کوب
خورشید کس مقام پہ ملتا ہے رات سے
ناگاہ عشق وقت سے آگے نکل گیا
اندازہ کر رہی ہے خرد واقعات سے
سوئے ادب نہ ٹھہرے تو دیں کوئی مشورہ
ہم مطمئن نہیں ہیں تری کائنات سے
ساکت رہیں تو ہم ہی ٹھہرتے ہیں با قصور
بولیں تو بات بڑھتی ہے چھوٹی سی بات سے
آساں پسندیوں سے اجازت طلب کرو
رستہ بھرا ہوا ہے عدمؔ مشکلات سے
Khairaat sirf itni mili hai hayaat se
Khairaat sirf itni mili hai hayaat se
Pani ki boond jaise ata ho Furaat se
Shabnam isi junoon mein azal se hai seena-kob
Khursheed kis muqam pe milta hai raat se
Na-gah ishq waqt se aage nikal gaya
Andaza kar rahi hai khirad waqiaat se
Sooye-adab na thehre to dein koi mashwara
Hum mutma'in nahin hain teri kainat se
Saakit rahein to hum hi theharte hain ba-qusoor
Bolein to baat badhti hai chhoti si baat se
Aasan-pasandiyon se ijazat talab karo
Rasta bhara hua hai Adam mushkilaat se
شاعر کے بارے میں
عبدالحمیدؔ عدم کا اصل نام عبدالحمید تھا، اُن کا تخلص “عدم” تھا اور وہ ۱۰ اپریل ۱۹۱۰ء کو ضلع گجرانوالہ کے گاؤں تلونڈی موسیٰ خان میں پیدا ہوئے۔ ابتدا...
مکمل تعارف پڑھیں