مے کدہ تھا چاندنی تھی میں نہ تھا — عبدالحمیدعدم
شاعر
مے کدہ تھا چاندنی تھی میں نہ تھا
مے کدہ تھا چاندنی تھی میں نہ تھا
اک مجسم بے خودی تھی میں نہ تھا
عشق جب دم توڑتا تھا تم نہ تھے
موت جب سر دھن رہی تھی میں نہ تھا
طور پر چھیڑا تھا جس نے آپ کو
وہ مری دیوانگی تھی میں نہ تھا
وہ حسیں بیٹھا تھا جب میرے قریب
لذت ہم سائیگی تھی میں نہ تھا
مے کدہ کے موڑ پر رکتی ہوئی
مدتوں کی تشنگی تھی میں نہ تھا
تھی حقیقت کچھ مری تو اس قدر
اس حسیں کی دل لگی تھی میں نہ تھا
میں اور اس غنچہ دہن کی آرزو
آرزو کی سادگی تھی میں نہ تھا
جس نے مہ پاروں کے دل پگھلا دیے
وہ تو میری شاعری تھی میں نہ تھا
گیسوؤں کے سائے میں آرام کش
سر برہنہ زندگی تھی میں نہ تھا
دیر و کعبہ میں عدمؔ حیرت فروش
دو جہاں کی بد ظنی تھی میں نہ تھا
Mai-kada tha, chandni thi, main na tha
Mai-kada tha, chandni thi, main na tha
Ik mujassam be-khudi thi, main na tha
Ishq jab dam todta tha, tum na the
Maut jab sar dhun rahi thi, main na tha
Toor par chheda tha jisne aap ko
Woh meri deewangi thi, main na tha
Woh haseen baitha tha jab mere qareeb
Lazzat-e-ham-sayegi thi, main na tha
Mai-kada ke mod par rukti hui
Muddaton ki tashnagi thi, main na tha
Thi haqeeqat kuch meri to is qadar
Is haseen ki dil-lagi thi, main na tha
Main aur us ghuncha-dahan ki aarzoo
Aarzoo ki saadgi thi, main na tha
Jisne mah-paron ke dil pighla diye
Woh to meri shayari thi, main na tha
Gesuon ke saaye mein aaram-kash
Sar barahna zindagi thi, main na tha
Dair-o-Ka'aba mein Adam hairat-farosh
Do jahan ki bad-zanni thi, main na tha
شاعر کے بارے میں
عبدالحمیدؔ عدم کا اصل نام عبدالحمید تھا، اُن کا تخلص “عدم” تھا اور وہ ۱۰ اپریل ۱۹۱۰ء کو ضلع گجرانوالہ کے گاؤں تلونڈی موسیٰ خان میں پیدا ہوئے۔ ابتدا...
مکمل تعارف پڑھیں