مطلب معاملات کا کچھ پا گیا ہوں میں — عبدالحمیدعدم
شاعر
مطلب معاملات کا کچھ پا گیا ہوں میں
مطلب معاملات کا کچھ پا گیا ہوں میں
ہنس کر فریب چشم کرم کھا گیا ہوں میں
بس انتہا ہے چھوڑیئے بس رہنے دیجئے
خود اپنے اعتماد سے شرما گیا ہوں میں
ساقی ذرا نگاہ ملا کر تو دیکھنا
کمبخت ہوش میں تو نہیں آ گیا ہوں میں
شاید مجھے نکال کے پچھتا رہے ہوں آپ
محفل میں اس خیال سے پھر آ گیا ہوں میں
کیا اب حساب بھی تو مرا لے گا حشر میں
کیا یہ عتاب کم ہے یہاں آ گیا ہوں میں
میں عشق ہوں مرا بھلا کیا کام دار سے
وہ شرع تھی جسے وہاں لٹکا گیا ہوں میں
نکلا تھا مے کدے سے کہ اب گھر چلوں عدمؔ
گھبرا کے سوئے مے کدہ پھر آ گیا ہوں میں
Matlab mu'āmalāt kā kuchh pā gayā hoon main
Matlab mu'āmalāt kā kuchh pā gayā hoon main
Hans kar fareb-e-chashm-e-karam khā gayā hoon main
Bas intihā hai chhoRī'e bas rehne dījiye
KHud apne e'timād se sharmā gayā hoon main
Sāqī zarā nigāh milā kar to dekhnā
Kambakht hosh mein to nahīn ā gayā hoon main
Shāyad mujhe nikāl ke pachhtā rahe hon āp
Mahfil mein is KHayāl se phir ā gayā hoon main
Kyā ab hisāb bhī to merā le gā hashr mein
Kyā yeh itāb kam hai yahāñ ā gayā hoon main
Main ishq hoon merā bhalā kyā kām dār se
Woh shar'a thī jise wahāñ laTkā gayā hoon main
Niklā thā mai-kade se ke ab ghar chalūn 'Adam'
Ghabrā ke sū-e-mai-kada phir ā gayā hoon main
شاعر کے بارے میں
عبدالحمیدؔ عدم کا اصل نام عبدالحمید تھا، اُن کا تخلص “عدم” تھا اور وہ ۱۰ اپریل ۱۹۱۰ء کو ضلع گجرانوالہ کے گاؤں تلونڈی موسیٰ خان میں پیدا ہوئے۔ ابتدا...
مکمل تعارف پڑھیں