آگے حریم غم سے کوئی راستہ نہ تھا — ادا جعفری
شاعر
آگے حریم غم سے کوئی راستہ نہ تھا
آگے حریم غم سے کوئی راستہ نہ تھا
اچھا ہوا کہ ساتھ کسی کو لیا نہ تھا
دامان چاک چاک گلوں کو بہانہ تھا
دل کا جو رنگ تھا وہ نظر سے چھپا نہ تھا
رنگ شفق کی دھوپ کھلی تھی قدم قدم
مقتل میں صبح و شام کا منظر جدا نہ تھا
کیا بوجھ تھا کہ جس کو اٹھائے ہوئے تھے لوگ
مڑ کر کسی کی سمت کوئی دیکھتا نہ تھا
کچھ اتنی روشنی میں تھے چہروں کے آئنہ
دل اس کو ڈھونڈھتا تھا جسے جانتا نہ تھا
کچھ لوگ شرمسار خدا جانے کیوں ہوئے
اپنے سوا ہمیں تو کسی سے گلا نہ تھا
ہر اک قدم اٹھا تھا نئے موسموں کے ساتھ
وہ جو صنم تراش تھا بت پوجتا نہ تھا
جس در سے دل کو ذوق عبادت عطا ہوا
اس آستان شوق پہ سجدہ روا نہ تھا
آندھی میں برگ گل کی زباں سے ادا ہوا
وہ راز جو کسی سے ابھی تک کہا نہ تھا
Aage hareem-e-gham se koi raasta na tha
Aage hareem-e-gham se koi raasta na tha
Achha hua ke saath kisi ko liya na tha
Damaan-e-chaak chaak, gulon ko bahana tha
Dil ka jo rang tha woh nazar se chhupa na tha
Rang-e-shafaq ki dhoop khili thi qadam qadam
Maqtal mein subh-o-shaam ka manzar juda na tha
Kya bojh tha ke jis ko uthaye hue the log
Mud kar kisi ki simt koi dekhta na tha
Kuchh itni raushni mein the chehron ke aaina
Dil us ko dhoondhta tha jise jaanta na tha
Kuchh log sharmsaar Khuda jaane kyon hue
Apne siwa humein to kisi se gila na tha
Har ek qadam utha tha naye mausamon ke saath
Woh jo sanam-tarash tha, but poojta na tha
Jis dar se dil ko zauq-e-ibadat ata hua
Is aastaan-e-shauq pe sajda rawa na tha
Aandhi mein barg-e-gul ki zabaan se ada hua
Woh raaz jo kisi se abhi tak kaha na tha
شاعر کے بارے میں
ادا جعفری، جن کا اصل نام عزیز جہاں تھا، 22 اگست 1924ء کو بدایوں، برطانوی ہندوستان میں پیدا ہوئیں۔ تین سال کی عمر میں ان کے والد مولوی بدرالحسن کے ا...
مکمل تعارف پڑھیں