گھر کا رستہ بھی ملا تھا شاید — ادا جعفری
شاعر
گھر کا رستہ بھی ملا تھا شاید
گھر کا رستہ بھی ملا تھا شاید
راہ میں سنگ وفا تھا شاید
اس قدر تیز ہوا کے جھونکے
شاخ پر پھول کھلا تھا شاید
جس کی باتوں کے فسانے لکھے
اس نے تو کچھ نہ کہا تھا شاید
لوگ بے مہر نہ ہوتے ہوں گے
وہم سا دل کو ہوا تھا شاید
تجھ کو بھولے تو دعا تک بھولے
اور وہی وقت دعا تھا شاید
خون دل میں تو ڈبویا تھا قلم
اور پھر کچھ نہ لکھا تھا شاید
دل کا جو رنگ ہے یہ رنگ اداؔ
پہلے آنکھوں میں رچا تھا شاید
Ghar ka rasta bhi mila tha shayad
Ghar ka rasta bhi mila tha shayad
Raah mein sang-e-wafa tha shayad
Is qadar tez hawa ke jhonke
Shaakh par phool khila tha shayad
Jis ki baaton ke fasaane likhe
Us ne to kuch na kaha tha shayad
Log be-mehr na hote honge
Wehm sa dil ko hua tha shayad
Tujhe bhoole to dua tak bhoole
Aur wahi waqt-e-dua tha shayad
Khoone dil mein to duboya tha qalam
Aur phir kuch na likha tha shayad
Dil ka jo rang hai ye rang-e-ada
Pehle aankhon mein racha tha shayad
شاعر کے بارے میں
ادا جعفری، جن کا اصل نام عزیز جہاں تھا، 22 اگست 1924ء کو بدایوں، برطانوی ہندوستان میں پیدا ہوئیں۔ تین سال کی عمر میں ان کے والد مولوی بدرالحسن کے ا...
مکمل تعارف پڑھیں