آخری ٹیس آزمانے کو — ادا جعفری
شاعر
آخری ٹیس آزمانے کو
آخری ٹیس آزمانے کو
جی تو چاہا تھا مسکرانے کو
یاد اتنی بھی سخت جاں تو نہیں
اک گھروندا رہا ہے ڈھانے کو
سنگریزوں میں ڈھل گئے آنسو
لوگ ہنستے رہے دکھانے کو
زخم نغمہ بھی لو تو دیتا ہے
اک دیا رہ گیا جلانے کو
جلنے والے تو جل بجھے آخر
کون دیتا خبر زمانے کو
کتنے مجبور ہو گئے ہوں گے
ان کہی بات منہ پہ لانے کو
کھل کے ہنسنا تو سب کو آتا ہے
لوگ ترسے ہیں اک بہانے کو
ریزہ ریزہ بکھر گیا انساں
دل کی ویرانیاں جتانے کو
حسرتوں کی پناہ گاہوں میں
کیا ٹھکانے ہیں سر چھپانے کو
ہاتھ کانٹوں سے کر لیے زخمی
پھول بالوں میں اک سجانے کو
آس کی بات ہو کہ سانس اداؔ
یہ کھلونے تھے ٹوٹ جانے کو
Aakhiri tes aazmane ko
Aakhiri tes aazmane ko
Jee toh chaaha tha muskurane ko
Yaad itni bhi sakht jaan toh nahin
Ik gharaunda raha hai dhaane ko
Sangrezon mein dhal gaye aansu
Log hanste rahe dikhaane ko
Zakhm-e-naghma bhi lau toh deta hai
Ik diya reh gaya jalane ko
Jalne waale toh jal bujhe aakhir
Kaun deta khabar zamaane ko
Kitne majboor ho gaye honge
Un-kahi baat munh pe laane ko
Khul ke hansna toh sab ko aata hai
Log tarse hain ik bahane ko
Rezah rezah bikhar gaya insaan
Dil ki veeraaniyan jatane ko
Hasraton ki panah-gahon mein
Kya thikaane hain sar chhupane ko
Haath kaanton se kar liye zakhmi
Phool baalon mein ik sajaane ko
Aas ki baat ho ke saans Adaa
Yeh khilaune the toot jaane ko
شاعر کے بارے میں
ادا جعفری، جن کا اصل نام عزیز جہاں تھا، 22 اگست 1924ء کو بدایوں، برطانوی ہندوستان میں پیدا ہوئیں۔ تین سال کی عمر میں ان کے والد مولوی بدرالحسن کے ا...
مکمل تعارف پڑھیں