بیگانگئ طرز ستم بھی بہانہ ساز — ادا جعفری
شاعر
بیگانگئ طرز ستم بھی بہانہ ساز
بیگانگئ طرز ستم بھی بہانہ ساز
بیچارگیٔ کرب و الم بھی بہانہ ساز
کچھ بت بنا لیے ہیں چٹانیں تراش کر
دل بھی بہانہ ساز ہے غم بھی بہانہ ساز
عذر وفا کے ساتھ جلاتے رہے چراغ
کھلتا ہے اب کہ دیدۂ نم بھی بہانہ ساز
پابندیٔ رسوم وفا بھی بہانہ خو
ترک وفا و شیوۂ رم بھی بہانہ ساز
ہر لمحۂ حیات کا تنہا رہا وجود
دلداریٔ نگاہ کرم بھی بہانہ ساز
کچھ دور ساتھ ساتھ تھے اتنا تو یاد ہے
صحرائے غم میں نقش قدم بھی بہانہ ساز
سب سے بڑا فریب ہے خود زندگی اداؔ
اس حیلہ جو کے ساتھ ہیں ہم بھی بہانہ ساز
Begangi-e-tarz-e-sitam bhi bahana saaz
Begangi-e-tarz-e-sitam bhi bahana saaz
Bechargi-e-karb-o-alam bhi bahana saaz
Kuch but bana liye hain chataanein tarash kar
Dil bhi bahana saaz hai gham bhi bahana saaz
Uzr-e-wafa ke saath jalate rahe charaagh
Khulta hai ab ke deeda-e-nam bhi bahana saaz
Pabandi-e-rasoom-e-wafa bhi bahana kho
Tark-e-wafa o shewa-e-ram bhi bahana saaz
Har lamha hayaat ka tanha raha wajood
Dildaari-e-nigah-e-karam bhi bahana saaz
Kuch door saath saath the itna toh yaad hai
Sahra-e-gham mein naqsh-e-qadam bhi bahana saaz
Sab se bada fareb hai khud zindagi Adaa
Iss heela-jo ke saath hi hain hum bhi bahana saaz
شاعر کے بارے میں
ادا جعفری، جن کا اصل نام عزیز جہاں تھا، 22 اگست 1924ء کو بدایوں، برطانوی ہندوستان میں پیدا ہوئیں۔ تین سال کی عمر میں ان کے والد مولوی بدرالحسن کے ا...
مکمل تعارف پڑھیں