چھپ نہ سکے گی دل کی دھڑکن — ادا جعفری
شاعر
چھپ نہ سکے گی دل کی دھڑکن
چھپ نہ سکے گی دل کی دھڑکن
کاش نہ آتا اب کے ساون
دل گھبرایا ، آنکھ بھر آئی
امڈے بادل، برسا ساون
دیکھیں نظریں سلجھی سلجھی
اور بڑھے گی دیکھو الجھن
بکھری زلفیں ، پھیلا کاجل
چشم تماشا ، دھڑکن دھڑکن
ایسوں سے کیوں کی تھی توقع
آپ بنے ہو اپنے دشمن
تنکا تنکا ، بکھرا بکھرا
اور بھلا کس کا ہے نشیمن
کس کو سناتے کس کو بتاتے
اپنی بجلی، اپنا خرمن
شعلے تو تم نے دیکھے ہوں گے
مجھ سے پوچھو لُطف نشیمن
گذری یوں بھی فصلِ بہاراں
اپنا ہاتھ اور اپنا دامن
Chhup na sakegi dil ki dhadkan
Chhup na sakegi dil ki dhadkan
Kaash na aata ab ke saawan
Dil ghabraya, aankh bhar aayi
Umde baadal, barsa saawan
Dekhein nazrein suljhi suljhi
Aur badhegi dekho uljhan
Bikhri zulfein, phaila kajal
Chashm-e-tamasha, dhadkan dhadkan
Aison se kyon ki thi tawaqqo
Aap bane ho apne dushman
Tinka tinka, bikhra bikhra
Aur bhala kis ka hai nasheman
Kis ko sunaate, kis ko bataate
Apni bijli, apna khirman
Sholey to tum ne dekhe honge
Mujh se poocho lutf-e-nasheman
Guzri yun bhi fasl-e-baharan
Apna haath aur apna daaman
شاعر کے بارے میں
ادا جعفری، جن کا اصل نام عزیز جہاں تھا، 22 اگست 1924ء کو بدایوں، برطانوی ہندوستان میں پیدا ہوئیں۔ تین سال کی عمر میں ان کے والد مولوی بدرالحسن کے ا...
مکمل تعارف پڑھیں