گلوں سی گفتگو کریں قیامتوں کے درمیاں — ادا جعفری
شاعر
گلوں سی گفتگو کریں قیامتوں کے درمیاں
گلوں سی گفتگو کریں قیامتوں کے درمیاں
ہم ایسے لوگ اب ملیں حکایتوں کے درمیاں
لہولہان انگلیاں ہیں اور چپ کھڑی ہوں میں
گل و سمن کی بے پناہ چاہتوں کے درمیاں
ہتھیلیوں کی اوٹ ہی چراغ لے چلوں ابھی
ابھی سحر کا ذکر ہے روایتوں کے درمیاں
جو دل میں تھی نگاہ سی نگاہ میں کرن سی تھی
وہ داستاں الجھ گئی وضاحتوں کے درمیاں
صحیفۂ حیات میں جہاں جہاں لکھی گئی
لکھی گئی حدیث جاں جراحتوں کے درمیاں
کوئی نگر کوئی گلی شجر کی چھاؤں ہی سہی
یہ زندگی نہ کٹ سکے مسافتوں کے درمیاں
اب اس کے خال و خد کا رنگ مجھ سے پوچھنا عبث
نگہ جھپک جھپک گئی ارادتوں کے درمیاں
صبا کا ہاتھ تھام کر اداؔ نہ چل سکوگی تم
تمام عمر خواب خواب ساعتوں کے درمیاں
Gulon si guftugu karein qayamatton ke darmiyan
Gulon si guftugu karein qayamatton ke darmiyan
Hum aise log ab milein hikayaton ke darmiyan
Lahoolahan ungliyan hain aur chup khadi hoon main
Gul o saman ki bepanah chaahaton ke darmiyan
Hatheliyon ki oat hi chiragh le chalun abhi
Abhi sahar ka zikr hai riwayaton ke darmiyan
Jo dil mein thi nigah si nigah mein kiran si thi
Wo dastaan ulajh gayi wazahaton ke darmiyan
Sahifa-e-hayat mein jahan jahan likhi gayi
Likhi gayi hadees-e-jaan jarahaton ke darmiyan
Koi nagar koi gali shajar ki chhaon hi sahi
Yeh zindagi na kat sake musafaton ke darmiyan
Ab us ke khaal o khad ka rang mujh se poochhna abas
Nigah jhapak jhapak gayi iradaton ke darmiyan
Saba ka haath thaam kar Ada na chal sakogi tum
Tamaam umr khwab khwab saaton ke darmiyan
شاعر کے بارے میں
ادا جعفری، جن کا اصل نام عزیز جہاں تھا، 22 اگست 1924ء کو بدایوں، برطانوی ہندوستان میں پیدا ہوئیں۔ تین سال کی عمر میں ان کے والد مولوی بدرالحسن کے ا...
مکمل تعارف پڑھیں