ہونٹوں پہ کبھی ان کے مرا نام ہی آئے — ادا جعفری
شاعر
ہونٹوں پہ کبھی ان کے مرا نام ہی آئے
ہونٹوں پہ کبھی ان کے مرا نام ہی آئے
آئے تو سہی بر سر الزام ہی آئے
حیران ہیں لب بستہ ہیں دلگیر ہیں غنچے
خوشبو کی زبانی ترا پیغام ہی آئے
لمحات مسرت ہیں تصور سے گریزاں
یاد آئے ہیں جب بھی غم و آلام ہی آئے
تاروں سے سجا لیں گے رہ شہر تمنا
مقدور نہیں صبح چلو شام ہی آئے
کیا راہ بدلنے کا گلہ ہم سفروں سے
جس رہ سے چلے تیرے در و بام ہی آئے
تھک ہار کے بیٹھے ہیں سر کوئے تمنا
کام آئے تو پھر جذبۂ ناکام ہی آئے
باقی نہ رہے ساکھ اداؔ دشت جنوں کی
دل میں اگر اندیشۂ انجام ہی آئے
Honton pe kabhi un ke mera naam hi aaye
Honton pe kabhi un ke mera naam hi aaye
Aaye to sahi bar sar-e-ilzaam hi aaye
Hairaan hain lab basta hain dilgeer hain ghunche
Khushboo ki zubani tera paigham hi aaye
Lamhaat-e-masarrat hain tasawwur se gurezaan
Yaad aaye hain jab bhi gham-o-aalaam hi aaye
Taron se saja lenge reh-e-shehr-e-tamanna
Maqdoor nahin subh chalo shaam hi aaye
Kya raah badalne ka gila humsafaron se
Jis reh se chale tere dar-o-baam hi aaye
Thak haar ke baithe hain sar-e-kuye-tamanna
Kaam aaye to phir jazba-e-nakaam hi aaye
Baqi na rahe saakh Adaaؔ dasht-e-junoon ki
Dil mein agar andesh-e-anjaam hi aaye
شاعر کے بارے میں
ادا جعفری، جن کا اصل نام عزیز جہاں تھا، 22 اگست 1924ء کو بدایوں، برطانوی ہندوستان میں پیدا ہوئیں۔ تین سال کی عمر میں ان کے والد مولوی بدرالحسن کے ا...
مکمل تعارف پڑھیں