جب دل کی رہ گزر پہ ترا نقش پا نہ تھا — ادا جعفری
شاعر
جب دل کی رہ گزر پہ ترا نقش پا نہ تھا
جب دل کی رہ گزر پہ ترا نقش پا نہ تھا
جینے کی آرزو تھی مگر حوصلہ نہ تھا
آگے حریم غم سے کوئی راستہ نہ تھا
اچھا ہوا کہ ساتھ کسی کو لیا نہ تھا
دامان چاک چاک گلوں کو بہانہ تھا
ورنہ نگاہ و دل میں کوئی فاصلہ نہ تھا
کچھ لوگ شرمسار خدا جانے کیوں ہوئے
ان سے تو روح عصر ہمیں کچھ گلہ نہ تھا
جلتے رہے خیال برستی رہی گھٹا
ہاں ناز آگہی تجھے کیا کچھ روا نہ تھا
سنسان دوپہر ہے بڑا جی اداس ہے
کہنے کو ساتھ ساتھ ہمارے زمانہ تھا
ہر آرزو کا نام نہیں آبروئے جاں
ہر تشنہ لب جمال رخ کربلا نہ تھا
آندھی میں برگ گل کی زباں سے اداؔ ہوا
وہ راز جو کسی سے ابھی تک کہا نہ تھا
Jab dil ki rehguzar pe tera naqsh-e-pa na tha
Jab dil ki rehguzar pe tera naqsh-e-pa na tha
Jeene ki arzoo thi magar hausla na tha
Aage hareem-e-gham se koi raasta na tha
Achha hua ke saath kisi ko liya na tha
Daaman chaak chaak gulon ko bahana tha
Warna nigah-o-dil mein koi faasla na tha
Kuchh log sharmsaar khuda jaane kyun hue
Un se to rooh-e-asr hamein kuchh gila na tha
Jalte rahe khayal barasti rahi ghata
Haan naaz-e-aagahi tujhe kya kuchh rawa na tha
Sunsaan dopehar hai bara ji udaas hai
Kehne ko saath saath hamare zamana tha
Har arzoo ka naam nahin aabroo-e-jaan
Har tashna lab jamal-e-rukh karbala na tha
Aandhi mein barg-e-gul ki zaban se Adaaؔ hua
Woh raaz jo kisi se abhi tak kaha na tha
شاعر کے بارے میں
ادا جعفری، جن کا اصل نام عزیز جہاں تھا، 22 اگست 1924ء کو بدایوں، برطانوی ہندوستان میں پیدا ہوئیں۔ تین سال کی عمر میں ان کے والد مولوی بدرالحسن کے ا...
مکمل تعارف پڑھیں