خود حجابوں سا خود جمال سا تھا — ادا جعفری
شاعر
خود حجابوں سا خود جمال سا تھا
خود حجابوں سا خود جمال سا تھا
دل کا عالم بھی بے مثال سا تھا
عکس میرا بھی آئنوں میں نہیں
وہ بھی کیفیت خیال سا تھا
دشت میں سامنے تھا خیمۂ گل
دوریوں میں عجب کمال سا تھا
بے سبب تو نہیں تھا آنکھوں میں
ایک موسم کہ لا زوال سا تھا
خوف اندھیروں کا ڈر اجالوں سے
سانحہ تھا تو حسب حال سا تھا
کیا قیامت ہے حجلۂ جاں میں
اس کے ہوتے ہوئے ملال سا تھا
جس کی جانب اداؔ نظر نہ اٹھی
حال اس کا بھی میرے حال سا تھا
Khud hijabon sa khud jamaal sa tha
Khud hijabon sa khud jamaal sa tha
Dil ka aalam bhi bemisal sa tha
Aks mera bhi aainon mein nahin
Wo bhi kaifiyat-e-khayal sa tha
Dasht mein samne tha khema-e-gul
Dooriyon mein ajab kamaal sa tha
Be-sabab to nahin tha aankhon mein
Ek mausam ke la-zawal sa tha
Khauf andheron ka dar ujalon se
Saneha tha to hasb-e-haal sa tha
Kya qayamat hai hujla-e-jaan mein
Us ke hote hue malaal sa tha
Jis ki janib Ada nazar na uthi
Haal us ka bhi mere haal sa tha
شاعر کے بارے میں
ادا جعفری، جن کا اصل نام عزیز جہاں تھا، 22 اگست 1924ء کو بدایوں، برطانوی ہندوستان میں پیدا ہوئیں۔ تین سال کی عمر میں ان کے والد مولوی بدرالحسن کے ا...
مکمل تعارف پڑھیں