کوئی سنگ رہ بھی چمک اٹھا تو ستارۂ سحری کہا — ادا جعفری
شاعر
کوئی سنگ رہ بھی چمک اٹھا تو ستارۂ سحری کہا
کوئی سنگ رہ بھی چمک اٹھا تو ستارۂ سحری کہا
مری رات بھی ترے نام تھی اسے کس نے تیرہ شبی کہا
مرے روز و شب بھی عجیب تھے نہ شمار تھا نہ حساب تھا
کبھی عمر بھر کی خبر نہ تھی کبھی ایک پل کو صدی کہا
مجھے جانتا بھی کوئی نہ تھا مرے بے نیاز ترے سوا
نہ شکست دل نہ شکست جاں کہ تری خوشی کو خوشی کہا
کوئی یاد آ بھی گئی تو کیا کوئی زخم کھل بھی اٹھا تو کیا
جو صبا قریب سے ہو چلی اسے منتوں کی گھڑی کہا
بھری دوپہر میں جو پاس تھی وہ ترے خیال کی چھاؤں تھی
کبھی شاخ گل سے مثال دی کبھی اس کو سرو سہی کہا
کہیں سنگ رہ کہیں سنگ در کہ میں پتھروں کے نگر میں ہوں
یہ نہیں کہ دل کو خبر نہ تھی یہ بتا کہ منہ سے کبھی کہا
مرے حرف حرف کے ہاتھ میں سبھی آئنوں کی ہیں کرچیاں
جو زباں سے ہو نہ سکا اداؔ بہ حدود بے سخنی کہا
Koi sang-e-reh bhi chamak utha toh sitarah-e-sehri kaha
Koi sang-e-reh bhi chamak utha toh sitarah-e-sehri kaha
Meri raat bhi tere naam thi usay kis ne teerah-shabi kaha
Mere roz-o-shab bhi ajeeb the na shumar tha na hisaab tha
Kabhi umar bhar ki khabar na thi kabhi ek pal ko sadi kaha
Mujhe jaanta bhi koi na tha mere be-niyaz tere siwa
Na shikast-e-dil na shikast-e-jaan ke teri khushi ko khushi kaha
Koi yaad aa bhi gayi toh kya koi zakhm khul bhi utha toh kya
Jo saba qareeb se ho chali usay minnaton ki ghadi kaha
Bhari dopahar mein jo paas thi woh tere khayal ki chhaon thi
Kabhi shakh-e-gul se misaal di kabhi uss ko sarv-e-sahi kaha
Kahin sang-e-reh kahin sang-e-dar ke main pattharon ke nagar mein hoon
Yeh nahin ke dil ko khabar na thi yeh bata ke munh se kabhi kaha
Mere harf harf ke haath mein sabhi aainon ki hain kirchiyan
Jo zubaan se ho na saka Adaa ba-hudood-e-be-sukhani kaha
شاعر کے بارے میں
ادا جعفری، جن کا اصل نام عزیز جہاں تھا، 22 اگست 1924ء کو بدایوں، برطانوی ہندوستان میں پیدا ہوئیں۔ تین سال کی عمر میں ان کے والد مولوی بدرالحسن کے ا...
مکمل تعارف پڑھیں