کیا جانئے کس بات پہ مغرور رہی ہوں — ادا جعفری
شاعر
کیا جانئے کس بات پہ مغرور رہی ہوں
کیا جانئے کس بات پہ مغرور رہی ہوں
کہنے کو تو جس راہ چلایا ہے چلی ہوں
تم پاس نہیں ہو تو عجب حال ہے دل کا
یوں جیسے میں کچھ رکھ کے کہیں بھول گئی ہوں
پھولوں کے کٹوروں سے چھلک پڑتی ہے شبنم
ہنسنے کو ترے پیچھے بھی سو بار ہنسی ہوں
تیرے لیے تقدیر مری جنبش ابرو
اور میں ترا ایمائے نظر دیکھ رہی ہوں
صدیوں سے مرے پاؤں تلے جنت انساں
میں جنت انساں کا پتہ پوچھ رہی ہوں
دل کو تو یہ کہتے ہیں کہ بس قطرۂ خوں ہے
کس آس پہ اے سنگ سر راہ چلی ہوں
جس ہاتھ کی تقدیس نے گلشن کو سنوارا
اس ہاتھ کی تقدیر پہ آزردہ رہی ہوں
قسمت کے کھلونے ہیں اجالا کہ اندھیرا
دل شعلہ طلب تھا سو بہرحال جلی ہوں
Kya jaaniye kis baat pe maghroor rahi hoon
Kya jaaniye kis baat pe maghroor rahi hoon
Kehne ko toh jis raah chalaya hai chali hoon
Tum paas nahin ho toh ajab haal hai dil ka
Yun jaise main kuch rakh ke kahin bhool gayi hoon
Phoolon ke katoron se chhalak padti hai shabnam
Hansne ko tere peeche bhi sau baar hansi hoon
Tere liye taqdeer meri jumbish-e-abroo
Aur main tera eema-e-nazar dekh rahi hoon
Sadiyon se mere paaon tale jannat-e-insaan
Main jannat-e-insaan ka pata poochh rahi hoon
Dil ko toh yeh kehte hain ke bas qatra-e-khoon hai
Kis aas pe aye sang-e-sar-e-raah chali hoon
Jis haath ki taqdees ne gulshan ko sanwaara
Uss haath ki taqdeer pe aazurdah rahi hoon
Qismat ke khilaune hain ujaala ke andhera
Dil shola talab tha so baharhaal jali hoon
شاعر کے بارے میں
ادا جعفری، جن کا اصل نام عزیز جہاں تھا، 22 اگست 1924ء کو بدایوں، برطانوی ہندوستان میں پیدا ہوئیں۔ تین سال کی عمر میں ان کے والد مولوی بدرالحسن کے ا...
مکمل تعارف پڑھیں