گھر کی دہلیز سے بازار میں مت آ جانا — اعتبارساجد
شاعر
گھر کی دہلیز سے بازار میں مت آ جانا
گھر کی دہلیز سے بازار میں مت آ جانا
تم کسی چشم خریدار میں مت آ جانا
خاک اڑانا انہیں گلیوں میں بھلا لگتا ہے
چلتے پھرتے کسی دربار میں مت آ جانا
یوں ہی خوشبو کی طرح پھیلتے رہنا ہر سو
تم کسی دام طلب گار میں مت آ جانا
دور ساحل پہ کھڑے رہ کے تماشا کرنا
کسی امید کے منجدھار میں مت آ جانا
اچھے لگتے ہو کہ خود سر نہیں خوددار ہو تم
ہاں سمٹ کے بت پندار میں مت آ جانا
چاند کہتا ہوں تو مطلب نہ غلط لینا تم
رات کو روزن دیوار میں مت آ جانا
گھر کی دہلیز سے بازار میں مت آ جانا
Ghar ki dehleez se bazaar mein mat aa jaana
Tum kisi chashm-e-kharidaar mein mat aa jaana
Khaak udaana unhein galiyon mein bhala lagta hai
Chalte phirte kisi darbaar mein mat aa jaana
Yun hi khushboo ki tarah phailte rehna har soo
Tum kisi daam talab-gaar mein mat aa jaana
Door saahil pe khade reh ke tamasha karna
Kisi ummeed ke manjhdhaar mein mat aa jaana
Achhe lagte ho ke khud-sar nahin khud-daar ho tum
Haan simat ke but-e-pindaar mein mat aa jaana
Chand kehta hoon to matlab na ghalat lena tum
Raat ko rozan-e-deewar mein mat aa jaana
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہو...
مکمل تعارف پڑھیں