زخموں کا دوشالہ پہنا دھوپ کو سر پر تان لیا — اعتبارساجد
شاعر
زخموں کا دوشالہ پہنا دھوپ کو سر پر تان لیا
زخموں کا دوشالہ پہنا دھوپ کو سر پر تان لیا
کیا کیا ہم نے کشٹ کمائے کہاں کہاں نروان لیا
نقش دیے تری آشاؤں کو عکس دیے ترے سپنوں کو
لیکن دیکھ ہماری حالت وقت نے کیا تاوان لیا
اشکوں میں ہم گوندھ چکے تھے اس کے لمس کی خوشبو کو
موم کے پھول بنانے بیٹھے لیکن دھوپ نے آن لیا
برسوں بعد ہمیں دیکھا تو پہروں اس نے بات نہ کی
کچھ تو گرد سفر سے بھانپا کچھ آنکھوں سے جان لیا
آنکھ پہ ہات دھرے پھرتے تھے لیکن شہر کے لوگوں نے
اس کی باتیں چھیڑ کے ہم کو لہجے سے پہچان لیا
سورج سورج کھیل رہے تھے ساجدؔ ہم کل اس کے ساتھ
اک اک قوس قزح سے گزرے اک اک بادل چھان لیا
Zakhmon ka doshala pehna dhoop ko sar par taan liya
Zakhmon ka doshala pehna dhoop ko sar par taan liya
Kya kya ham ne kusht kamaaye kahan kahan nirvaan liya
Naqsh diye teri aasha'on ko aks diye tere sapnon ko
Lekin dekh hamari haalat waqt ne kya tawaan liya
Ashkon mein ham goondh chuke thhey us ke lams ki khushboo ko
Moom ke phool banane baithe lekin dhoop ne aan liya
Barson baad hamein dekha to pehron us ne baat na ki
Kuch to gard-e-safar se bhaanpa kuch aankhon se jaan liya
Aankh pe haath dhare phirte thhey lekin shehar ke logon ne
Us ki baatein chhed ke ham ko lehje se pehchaan liya
Sooraj sooraj khel rahe thhey saajid, ham kal us ke saath
Ek ek qaus-e-qazah se guzre ek ek baadal chhaan liya
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہو...
مکمل تعارف پڑھیں